පිරිසිදු බුදු බණ

Posted: September 15, 2014 in සරණක් සොයා ෴

අද කාලේ ගොඩක් ප්‍රසිද්ධ ස්වාමීන් වහන්සේලා දේශනා කරන ධර්ම දේශනා තුල අන්තර්ගත වෙන්නේ බුදුන් වහන්සේ දේශනා කරන ලද නිවන් මාර්ගය අවබෝධ කර ගැනීම සඳහා වූ ආර්ය අෂ්ටාංගික මාර්ගයේ ගමන් කිරීම සඳහා අපට වැදගත් වෙන ගැඹුරු ධර්මය නෙමෙයි. එදිනෙදා ජීවිතය යහපත් ආකාරයෙන් ගත කිරීමට බුදු දහම ඇසුරින් ලබා දෙන උපදෙස්. අද ලෝකයේ ජීවත් වෙන බොහෝ දෙනෙක්ගේ අවශ්‍යතාවය වන්නේ ලෞකික ලෝකයේ සතුටින් ජීවත් වෙන්න.

ඉතින් මේ නිසාම අද ජනප්‍රියත්වයට පත් වෙන්නෙත් ඒ වගේ එදිනෙදා ජීවිතයට අවශ්‍ය කරන Tips and Tricks කියා දෙන ස්වාමීන් වහන්සේලාගේ ධර්ම දේශනා. එක එක අයගේ ජීවන දෘෂ්ටිය වෙනස් නිසා මේක වැරදියි කියන්න බෑ. මොකද සමාජයේ යහපත් ලෙස ජීවත් වෙන පුද්ගලයෙකු බවට පත්වෙන්න මේ දේශනා තුලින් ලැබෙන පිටුවහල ඉතා වැදගත්. අනිත් අතට ගොඩක් දෙනෙක්ට ගැඹුරු ධර්මය තේරුම් ගන්න තරම් උසස් මානසික මට්ටමක් නැහැ. උදාහරණයක් විදියට අපේ අත්තම්මලා, සීයල ජීවිතේ අන්තිම කාලයේ ධර්මය අහන්න පුරුදු වුන අය. ඒ අය බලාපොරොත්තු වෙන්නේ සිත නිමන රසවත් ධර්ම දේශනාවක් අහන්න මිසක් මනස වෙහෙසවන ගැටළු ඇතිවෙන, ප්‍රයෝගිකව පුරුදු පුහුණු කිරීමට කල්ගත වන ධර්ම දේශනාවක් අහන්න නෙමෙයි.

ඒත් අද ඉන්න තරුණ පරපුර අතර මේ ගැඹුරු ධර්මය ඉගෙන ගැනීමේ ආශාවෙන් පෙලෙන අය සෑහෙන පිරිසක් ඉන්නවා. ඒ අතරින් බහුතරයක්උගත් හා බුද්ධිමත් අය. නමුත් මේ අයට ගැලපෙන ධර්ම දේශනාවක් අහන්න දකින්න ලැබෙන්නේ කලාතුරකින්. ගොඩක් දෙනෙක් කරන්නේ ඒ වගේ අභිධර්මය ගැන ලියවුනු ග්‍රන්ථ පරිශීලනය කරන එක. ඒත් කාර්යබහුල ජීවිත ගත කරන අපි වගේ අයට ඒ වගේ පොතක් නිදහසේ කියවන්න ලැබෙන්නේ කලාතුරකින්. අනෙක් අතට ඒ වගේ ග්‍රන්ථ ගොඩක් රචනා කරලා තියෙන්නේ ඒ ඒ ස්වාමීන් වහන්සේලාගේ පරිකලපන හැකියාව අනුව. ඒ කිව්වේ බුදුන් වහන්සේ දේශනා කරපු අභිධර්මය, ඒ ඒ ස්වාමීන් වහන්සේලා තේරුම් අරගෙන විස්තර කරන ආකාරය අනුව.

නමුත් ඒ වගේ දේවල් විචාරය කරලා, ප්‍රශ්නවලට ලක් කරලා නිවැරදි හරය තේරුම් ගන්න අපිට වෙලාවක් ලැබෙන්නේ නෑ. සල්ලි පස්සේ දුවන ලෝකයක් තුල ඒ තරඟය තුල පරාජයට පත් නොවී, නිවන් මාර්ගය කරා යන මාර්ගයේත් ගමන් කරනවා කියන්නේ ඇත්තෙන්ම අභියෝගයක්.

ඉතින් ඒ අභියෝගයට මුහුණ දෙන්න සූදානම් අය වෙනුවෙන්ම වැදගත් වෙන ධර්ම දේශනා මාලාවක් මට හම්බ වුණා. මේක ශ්‍රද්ධා TV එකේ යන වැඩසටහනක්. දේශකයාණන් වහන්සේ අඹන්පොල ඤාණවිජය ස්වාමීන් වහන්සේ. ඇත්තෙන්ම ඉතාමත් ගැඹුරු ධර්ම කරුණු මේ දේශනා වලදී සාකච්චා කෙරෙනවා. අපි බෞද්ධයෝ කියල කියා ගත්තට අපි බුද්ධ ධර්මය දන්නේ කොච්චරද කියල තේරෙනවා මේ දේශනා අහද්දී.

elakiri JesonRulez

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s